Ndarja e përgjegjësive mes mazhorancës dhe opozitës për krizën politike, përfshiu në debat të nxehtë të ftuarit në emisionin 360 Gradë të Artur Zhejit, në RTV Ora.
Juristja Enida Bozheku ia faturoi fajet Ramës, por pas nuk la edhe opozitën. Ajo shigjetoi kryedemokratin Basha, duke e cilësuar si një njeri me pak peshë për drejtimin e PD-së.
Duke qëndruar në të njëtën linjë, ajo foli edhe për djegien e mandateve, duke thënë se opozita mban përgjegjësi keqqeverisje. Por deklarata e saj duket se nuk është mbështetur nga avokati Genc Gjokutaj. Ai tha se opozita mori këtë vendim, pasi mazhoranca vepron sipas dëshirës së saj.
DEBATI:
Enida Bozheku: Keni të drejtë kur thoni shumë herë që kryeministri është i papërgjegjshëm, apo flet me forma arrogante. Por edhe opozita nga ana e saj ka kusuret e veta tek flet. Nuk është se opozita nga ana e saj ka përdorur një gjuhë më pak arrogante, apo më pak të dhunshme. Po të ishte një opozitë që do të kishte një frymë të vërtetë reale. Opozita ka një kryetar? Z. Basha është kryetar i opozitës? Opozita mban përgjegjësi keqqeverisje. Doli nga Parlamenti, a do bënte protesta.
Genc Gjokutaj: Doli nga Parlamenti se nuk ja varte kush. Bënte Ulsiu çfarë donte në Komisionin e Ligjeve. Ta bësh opozitën pjesë e rrumpallës, është shumë e rëndë. Lërë opozitën. A kemi shtet njëherë? Jeni në vete?
Enida Bozheku: Ne si qytetarë na intereson të kemi një opozitë të fortë?
Genc Gjokutaj: Opozita bëri aktin sublim. Opozita është në ‘arrest me burg’.
Enida Bozheku: Opozita me 13 tetor çfarë duhet të bënte, veprimi politik cili është?
Genc Gjokutaj: Mos merr përsipër mazhorancën.
Enida Bozheku: Nuk i dilet mazhorancës vetëm me llafe retorike të një opozite.
Genc Gjokutaj: Kush është kjo opozitë, mos ja fut p****s kot!
