Klubi i Tiranës ka reaguar pas vendimit të Komisionit të Disiplinës, që gjobiti bardheblutë me 50 mijë lekë (të reja), për shkak të shisheve plastike të hedhura në ndeshjen Tirana-Teuta, nga tifozët e kësaj skuadre.
Përmes një postimi në Facebook, klubi kryeqytetas e pranon se gjoba këtë radhë jo vetëm që ishte e merituar, por shumë e pakët në krahasim me veprimin aspak të hijshëm të një pjese të tifozerisë.
Ndërkohë, klubi i bën thirrje tifozëve të ruajnë qetësinë dhe të mos dëmtojnë skuadrën, veten, duke mbyllur stadiumin dhe dëmtuar imazhin e tifozerisë.
Postimi i plotë:
Komisioni i Disiplines ka gjobitur sot KF Tiranen me 50 mije leke (te reja), per shkak te shisheve plastike te hedhura ne ndeshjen Tirana – Teuta nga tifozet bardheblu. Gjoba kete rradhe eshte jo vetem e merituar, por shume e paket ne krahasim me veprimet aspak te hijshme te nje pjese te tifozerise.
Nje vit me pare, per nje shishe plastike stadiumi i mbyll per kater ndeshje. Kete rradhe Disiplina ka toleruar duke u mjaftuar me nje gjobe minimale.
Klubi ju ben thirrje te gjithe tifozeve te ruajne qetesine, mos demtojne skuadren, veten duke mbyllur stadiumin dhe demtuar imazhin e tifozerise me te madhe ne Shqiperi. Shishet plastike, sendet e forta dhe materialet piroteknike nuk duhen hedhur ne fushe apo tentuar sjellje te tjera jo sportive me to.
Nese kete rradhe Disiplina na fali, ne nje rast te perseritur do na mbyllen dyert e stadiumit.
