“Gjithmonë e lija fushën me kokën lart, si 17 vjeç ashtu dhe kur isha 38”

“Në moshën 22 vjeçare, unë i kisha fituar tashmë shumë trofe, përfshirë Champions League, Kupën Ndërkontinentale, Kampionatet dhe gjëra të tjera.

Shumë shpesh nga shokët e mi të ekipit kam dëgjuar fraza si: “Po ti ke fituar gjithçka, çfarë kuptimi ka gjith ky impenjim në stërvitje?”

Teksa karriera ime përparonte, e dëgjoja këtë frazë gjithnjë e më shpesh. Në kohë të vështira më kujtohej gjithnjë. Kur isha te Reali, më zunë vërshëllimat e Bernabeut, te Interi dhe më pas te Milani më zunë vërshëllimat edhe të San Siros.

Por kjo më bënte të ruaja qetësinë, gjithmonë e lija fushën me kokën lart. Si në moshën 17 vjeçare dhe në moshën 38 vjeçare”. – Clarence Seedorf

Një lojtar i plotë nga të gjitha pikëpamjet. Sidomos në aspektin mendor. Një profesionist serioz dhe shembullor me çdo fanellë. Një shembull për çdo të ri që hyn në botën e futbollit. Ka fituar shumë, gjithmonë si protagonist. Shënoi ndër të tjera 98 gola në 630 ndeshje. Dhe mbi të gjitha fitoi 4 Champions.

Clarence Seedorf, profesori.

/T.Kotorri/