Botërori tashmë ka përfunduar, por edhe pse kombëtarja shqiptare nuk mori pjesë në këtë turne, Shqipëria u përfaqësua denjësisht nga dy këngëtare. Ishte Era Istrefi që performoi në ceremoninë hapëse të Kupës së Botës, hitin e këtij eventi “Live It Up”, në bashkëpunim me Nicky Jam dhe Will Smith.
Por në Moskë më 15 korrik ka performuar edhe Arilena Ara, në kryeqytetin rus, në Moskë ajo ka kënduar në gjuhën shqipe. Kjo e fundit ka shkëlqyer teksa ka kënduar hitin që e bëri të njohur të famshme në arenën ndërkombëtar, veçanërisht te publiku rus, “Nëntori”.
Ajo ka publikuar në Instagram disa momente të koncertit që është mbajtur në “FIFA Fan Zone” në Moskë. “Gjithë Rusia shqip”, ka shkruar me këtë rast Arilena teksa shihet publiku duke ngritur duart lartë.
Theksojmë se kënga “Nëntori” ka rrëmbyer vendet e para në klasifikimet muzikore në Rusi dhe është një nga hitet e preferuara të Arilenës.
