Deklarata e Mustafa Nanos për gazetarët sportive Ilda Bejleri dhe Bora Zemani, bëri jo pak bujë në rrjet. Nano u shpreh se lakuriqësia e tyre në ekrane ishte e tepruar dhe vulgare, teksa kritikoi publikisht Ilda Bejlerin për veshjen e saj tepër të ngushtë pas trupit.
“Po ju them se veshja e Ilda Bejlerit ishte e trishtueshme, ishte vulgare, ishte e pashijshme. Gati-gati ishte fyese. Një fustan si këmishë nate shumë i shkurtër, shumë i ngjitur pas trupit, tmerrësisht i ngjitur pas trupit. Aq sa unë po mendoja se ajo copa e fustanit ishte e futur në mish, gjinjtë që kishin kërcyer përpara në mënyrë të panatyrshme, aq sa unë po mendoja që ato gjinj ishin duke shpuar ekranin dhe do binin në shtëpinë time, në dhomën e ndenjes”, tha Nano gjatë një monologu në emisionin e tij.
Kjo ka shkaktuar edhe reagimin e njërës prej gazetareve. Është Ilda Bejleri ajo që ka shpërndarë në Insta Story një koment të bërë nga një tjetër person që replikonte me Nanon, madje e quante fshatar.
“O Muç katunari nuk e dija që paske marrë përsipër të përmirësosh moralin e shoqërisë shqiptare dhe mesa kuptoj unë ta çosh 30 vite pas në vitet kur ti jetoje në Skrapar dhe ecje me këpucë ushtarake dhe me triko leshi të bërë me lesh, batanije të vjedhur nga ndonjë repart ushtarak ku baba jot punonte si kapter.
Ajo trikoja të mbante ngrohtë kur punoje te posta e Enverit dhe incizoje telefonatat e njerëzve për Sigurimin. Nuk e dija që Muçi spiuni qenka bërë moralist dhe u mëson shqiptarëve si të vishen. Një fshatar i lindur është armik i bukurisë, e vërtetove me këtë artikull Muçi”, shkruhet në komentin e publikuar nga Ilda, e cila duket se është shumë dakord me të.
