Në Europianin e Francës, atëherë kur Shqipëria do të bënte arritjen historike, Berat Gjimshiti nuk u zgjodh nga ana e De Biasit për t’u grumbulluar në atë turne. Një mungesë e papritur ishte ajo e mbrojtësit shqiptar, që e kishte dhënë kontributin e tij edhe gjatë kualifikueseve.
Kështu lojtari kuqezi nuk mund të ishte pjesë edhe e disa pritjeve fantastike dhe emocioneve të mëdha, që tifozët shqiptarë u dhanë lojtarëve të Kombëtares tonë. Por këtë ndjenjë të bukur, Gjimshiti e ka përjetuar së fundmi.
https://youtu.be/GZnwHqIxPf8
Pas fitores ndaj Lazios me rezultatin 1-3, një numër i jashtëzakonshëm i tifozëve të Atalantës kanë dalë në shesh për të pritur si heronj lojtarët e tyre në këtë triumf. Gjimshiti ishte një prej protagonistëve kryesor në realizimin e golit të tretë, por edhe në ndaljen e kundërshtarëve. Gjithashtu edhe Etrit Berisha është pjesë e Atalantas, megjithëse po kalon një periudhë aspak pozitive në stol.
