Një familje shqiptare pritet të dëbohet, pasi nuk i është pranuar kërkesa e azilit në Belgjikë, ku kishte tetë vjet që qëndronte atje. Policia të enjten që lamë pas, zhvendosi familje shqiptare nga Oudenaarde, në një qendër azili e cila tashmë pritet të dëbohet. Arben Kadrija, gruaja e tij Lindita dhe fëmijët e tyre Sara 3-vjeç, Keyda 9-vjeç dhe Kledis 11-vjeç, pritet që të dëbohen për në Shqipëri, raporton hln.be.
https://tiranatoday.com/video-trishtim-dhe-frike-rrefimi-rreqethes-femijeve-shqiptare/
Ata kishin aplikuar për azil deri në tre herë, dhe se gjithmonë kishin marrë përgjigje negative, shkruan Tirana Today.
Të enjten që lamë pas familja shqiptare është marrë me forcë nga policia dhe është dërguar në një qendër azilkërkuesish 70 km larg nga shtëpia ku ishin vendosur prej disa vitesh. Kur u morën nga policia herët në mëngjes, Klejdis 11-vjeç, Kejda 9-vjeç dhe Sara 3-vjeç, nuk mundën që t’u thonin dot lamtumirë shokëve të tyre të klasës.
Por, ishin fqinjët e tyre që përveçse u kanë mundësuar takimin shokët dhe shoqet vogëlushëve shqiptarë, ata u kanë vënë një taksi në dispozicion që të shkojnë çdo ditë në shkollë deri kur të largohen përfundimisht nga territori.
Policia ka për qëllim dëbimin e tyre përfundimtar, megjithëse familja është përpjekur që nga viti 2011 për të marrë azil, pasi siguria e saj është e kërcënuar në Shqipëri. Ishte ora 7:00 në mëngjes, të enjten që lamë pas ku policia trokiti në derën e familjes e ndërsa fëmijët ishin akoma në gjumë. Jo më vonë ata u morën me furgon nga policia dhe u dërguan tek qendra e azilantëve dhe pritet që të dëbohen për në Shqipëri. TIRANA TODAY
