Jose Mourinho gjatë përballjes mes Juventusit dhe Manchester United u ofendua vazhdimisht nga tifozët bardhezinj. Por në fund ishte radha e tij që ti provokonte dhe e bëri në mënyrë mjaft të goditur. “Djajtë e Kuq” përmbysën në fund “Zonjën e Vjetër” me dy gola të shpejtë dhe ndeshja përfundoi 1-2. Por pas atij gjesti “të pahijshëm” të Jose plasën polemika të shumta.
Ylli argjentinas, Dybala ishte prej atyre që iu afrua Mourinhos, bashkë me Leonardo Bonuccin. Ai insiston se nuk ka bërë asgjë ofenduese ndaj trajnerit.
Në një deklaratë për “Sky Sports” futbollisti u shpreh se: “Nuk kam bërë asgjë ofenduese ndaj trajnerit, thjesht i thashë se nuk ka nevojë ta bëjë një gjest të tillë. Nuk ishte nevoja të krijonte më shumë tensione, sepse rrezikon të shkaktosh një konflikt. Ama nuk e ofendova. Vetëm këtë ia thashë dhe u largova”, përfundon ai.
Kjo situatë e tillë ka shkaktuar përçarje mes dy legjendave të United, Paul Schols dhe Gary Nevile, të cilët shprehen mendime të kundërta për veprimin trajnerit 55-vjeçar.
