Juventusi u eliminua një natë më parë nga Real Madrid pas një penalltie të dhënë në fundin e takimit që krijoi nja kaos në fushë dhe jashtë saj. Giorgio Chiellini në fushë bën një gjest që do të mbahet mend gjatë në drejtim të Marcelos duke iu drejtuar me fjalët “You pay”, “Ju paguat”.
E njëjta skenë ka ndodhur edhe në stadium, ku gazetari italian, Mino Taveri ishte shumë i inatosur me penalltinë e dhënë nga arbitri anglez dhe nuk ka nguruar të reagojë. I inatosur në tribunat e “Santiago Berbaut” ai u ka treguar eurot tifozëve madrilenë, që ishin pak shkallë më poshtë. Ata kanë reaguar me fjalë, ndërsa oficerët e sigurisë e kanë nxjerrë gazetarin italian jashtë stadiumit.
