Gjermania ka në plan t’i akordojë një fond shtesë Ballkanit Perëndimor për projektet infrastrukturore.
Fokus i veçantë do t’i kushtohet forcimit të lidhjeve mes Kosovës, Serbisë dhe Shqipërisë. Përfaqësues të shtetit gjerman edhe pse nuk e kanë quajtur plan “Marshall”, kanë thënë se krijimi i këtij fondi do të jetë ndihmesë e madhe.
Ambasada gjermane në Prishtinë ka përmendur deklaratën e ministrit të Jashtëm gjerman, Sigmar Gabriel, i cili ka propozuar krijimin e një fondi shtesë për projektet në infrastrukture, njofton koha.net. Shtetet anëtare të BE-së, si dhe Shoqata Evropiane e Tregtisë së Lirë (EFTA), sipas tyre, mund të kontribuojnë në këtë fond si donatorë.
