Kancelari gjerman Olaf Scholz dënoi sulmet ajrore ruse kundër infrastrukturës civile në Ukrainë, gjatë një bisede telefonike me presidentin rus Vladimir Putin të premten. Scholz gjithashtu i kërkoi Putinit që të gjejë një zgjidhje diplomatike “sa më shpejt të jetë e mundur” gjatë bisedës një-orëshe kushtuar “luftës së agresionit rus kundër Ukrainës dhe pasojave të saj”, tha zëdhënësi i qeverisë gjermane Steffen Hebestreit.
Kancelari theksoi vendosmërinë e Gjermanisë për të mbështetur Ukrainën në sigurimin e aftësisë së saj mbrojtëse kundër Rusisë, shtoi ai. Gjermania planifikon të furnizojë Ukrainën me shtatë tanke të tjera kundërajrore Gepard dhe një shtesë, 100,000 komplete të ndihmës së parë, sipas listës së dërgesave të armëve të publikuar nga qeveria gjermane.
Kancelari dhe presidenti rus diskutuan gjithashtu krizën globale të ushqimit, të shkaktuar nga pushtimi i Ukrainës dhe theksuan rolin e rëndësishëm të marrëveshjes së drithit të zgjatur së fundmi nën kujdesin e Kombeve të Bashkuara.
Burimi i lajmit: CNN. Përshtatur nga Tirana Today
