Një alarm për sulm terrorist ka ngritur në këmbë autoritetet gjermane mbrëmjen e të premtes duke evakuuar pjesëmarrësit në një koncert Rock që ishte parashikuar te mbahej në Nurenberg.
Siç raportojnë mediet gjermane, zyrtarët e lartë të policisë u kanë kërkuar organizatorëve te anulojnë koncertin, me friken e ndonjë sulmi te mundshëm, pas kërcënimeve për akt terrorist.
Policia ka evakuuar 80 mijë spektatorë të cilët ndodheshin të pranishëm në stadium për të ndjekur koncertin.
Mësohet se dhjetëra grupe ishin në program sot, duke përfshirë Bastille dhe grupin e famshëm gjerman Rammstein, i cili pritej të performonte rreth orës 22:30.
Spektatorët, pavarësisht nga paralajmërimi serioz i dhënë nga policia, kanë dalë në heshtje nga sheshi i koncertit dhe nga kampingjet e ngritura për të fjetur edhe duke kënduar këngë si “You’ll never walk alone”.
Ndërkohë kanë nisur hetimet për të vërtetuar informacionin.
