E motra e Gjergj Laçit ka mohuar akuzat se i vëllai ka ushtruar dhunë ndaj bashkëshortes dhe fëmijëve të tij. Ajo pretendon se 52-vjeçarI i ka dërguar djemtë në shkollën 9-vjeçare, ndërsa s’ka pasur mundësi ekonomike t’i çonte në gjimnaz, duke i kërkuar shtetit t’i shkollojë. Sipas saj, i vëllai ka mbaruar shkollën e lartë, por pamundësitë ekonomike e kanë detyruar të kryej këtë akt. Madje ajo shkon më tej se shtëpinë do u’a prishin dhe ai e familja do ngelen mes katër rrugëve.
“Ata janë pa rrogë, pa asgjë. Erjon Veliaj ça bën? Pse nuk i futi në punë. I le qeveria deri kur shkojnë i denoncojnë. Pse ta denoncojë, ai të lirohet. Të shkojë në punë, roje të punojë të marrë një rrogë.
T’ja çojnë fëmijët në shkollë. Gruan t’ja çojnë në punë, t’i gjejnë pastruese në Bashki a kudo. A ka shtet këtu? Ti marrë ti punësojë, ka punë sa të duash. Nuk rrimë pa punë, problemet janë të qeverisë. Qeveria do vijë t’i shembë shtëpinë, ku do i çojë te katër rrugët e Shijakut? Ti gjejë shtëpinë, ti paguajë edhe në qiranë e shtëpisë edhe t’ua prishë, se ka dhënë urdhër t’ia prishë shtëpisë. Ka lënë miliona lekë këtu.
Gjergji është fiks fare me trunin, s’ka asnjë sëmundje, trunin e ka fiks fare, sëmundja është me diabet. Kështu ka thënë doktori, të shkojnë të arrestojnë doktorin. Pse nuk i japin pension? Nuk i ka dhunuar fëmijët e gruan në asnjë mënyrë, nuk është e vërtetë. Ata pretendojnë se duan të dalin, të bredhin rrugëve. Kanë mbaruar klasën e 9-të para tre muajve. Tani në gjimnaz ti marrë shteti dhe ti çojë.
S’ka mundësi Gjergji t’i çojë në gjimnaz, shtëpinë do i’a shembin. Shtëpinë janë duke ia prishur. Specialist është. Shkollën e lartë ka mbaruar Gjergji. Profesor ka mbaruar shkollën Gjergji. Gjergji është njish fare, i marrshin të keqen kush e shan”, tha e motra.
Djemtë e Laçit kanë thënë në polici se prej 3 vitesh babai nuk i lejonte të dilnin nga shtëpia, duke i thënë se i mbante mbyllur pasi “ai e di më mirë, se te tjerët duan ti vrasin, ndërsa ai ka fituar”.
Fëmijët pohuan se kanë jetuar të ngujuar bashkë me nënën e tyre brenda katër mureve pa energji elektrike dhe se ushqeheshin kur familjarët, xhaxhai, gjyshi ose daja i çonin ushqim te dera.
