Gjendet një trup i pajetë në digën e lumit Rrapuni në Librazhd. Kufoma është gjetur ditën e sotme, ndërsa mësohet se i përket seksit mashkull.
Nga informacionet parapraket, dyshohet se është mbytur. Sapo është hapur dega e digës në lumin Rrapun, ka dalë trupi i pajetë i një personi, i cili ende nuk është identifikuar. Mendohet se është banor i zonës. Trupi i pajetë është dërguar në morg dhe po pritet të dalin përgjigjet e ekspertizës.
Ndërkohë, grupi hetimor ndodhet në vendngjarje për të zbardhur rrethanat e këtij rasti.
