Pas ekzekutimit të një çifti në Shkodër, policia njofton se ka gjetur një mjet të djegur në dalje të qytetit të Shkodrës.
Dyshohet se mjeti mund të jetë përdorur nga autori i vrasjes së dyfishtë, të ndodhur në lagjen “Naim Gjylbegu”, ku mbetën të vdekur burrë e grua.
Në lidhje me makinën e djegur të gjetur në dalje të qytetit, po hetohet nëse dy ngjarjet kanë lidhje me njëra-tjetrën. Kujtojmë këtu faktin se në orët e para të ditës, u gjetën të vrarë me armë zjarri brenda makinës së tyre tip “Benz” me targë AA006HA, 30-vjeçari Boran Bërçama, dhe bashkëjetuesja e tij, Silvana Ndoci. Fatmirësisht plumbave u shpëtoi fëmija i tyre një vjeç, i cili ndodhej bashkë me ta në makinë.
Krimi i rëndë ka ndodhur në vendin e quajtur “Rruga e gjerë”, në lagjen “Naim Gjylbegu”, poshtë pallatit ku banonte çifti. 30-vjeçari Boran Bërçama dhe bashkëjetuesja e tij janë qëlluar me armë zjarri tip pistoletë, nga një distancë e afërt, rreth orës 1:30 pas mesnate, ndërsa trupat e pajetë janë gjetur në orën 6:40 të mëngjesit.
