Gjendet një gomone e braktisur në Radhimë të Vlorës. Policia njofton se ka gjetur gomonen 9 metra të gjatë dhe me dy motorë gjatë patrullimit nga Policia Kufitare së bashku me Delta Forcën.
Sipas verifikimit paraprak, dyshohet se mjeti mund të jetë braktisur, ndërsa në brendësi të tij nuk është gjetur asnjë send i kundërligjshëm.
NJOFTIMI I POLICISË
Ndërkohë gjatë mëngjesit të sotëm shërbimet e Policisë Kufitare sëbashku me Delta Forcën gjatë patrullimit të kontrollit të territorit kanë konstatuar në vendin e quajtur Radhimë në breg të detit një gomone 9 metra të gjatë me dy motorrë.
Nga verifikimi paraprak dyshohet se mjeti mund të jetë braktisur dhe se në brendësi të tij nuk është gjetur asnjë send i kundërligjshëm. Po vijojnë verifikimet për dokumentimin e plotë ligjor dhe identifikimin e pronësisë së këtij mjeti.
