Trupi i një vajze 25-vjeçare është gjetur e mbytur këtë pasdite në Kanionet e Holtës në Gramsh. Viktima identifikohet me inicialet E.S. Ndërkohë, vazhdojnë kërkimet për dy personat e tjerë të zhdukur.
Nga grupi i turistëve shqiptarë që u bllokuan në këto kanione, bëhet me dije se janë shpëtuar 4 fëmijë dhe prindërit e tyre.
Shkak për bllokimin mësohet se janë bërë prurjet e shumta të ujërave nga shiu, ndërsa grupet e shpëtimit ndodhen ende brenda kanionit.
