Marinarët që u zhdukën pasi anija luftarake amerikane USS Fitzgerald u përplas me një tjetër anije tregtare, pranë brigjeve të Japonisë, u gjetën të vdekur, thotë Marina e SHBA dhe mediet japoneze.
Ushtria amerikane tha se forcat e kërkim-shpëtimit gjetën trupat mëngjesin e së dielës.
Përplasja ndodhi mëngjesin e të shtunës kur dhe filloi kërkimi për shtatë marinarët e humbur, pasi pjesa tjetër e ekuipazhit e lënduar, u evakuua me helikopter.
Incidenti ndodhi rreth 56 milje detare (104km) në jug-perëndim të qytetit port japonez të Yokosukës, rreth orës 02:30 lokale të shtunën (17:30 GMT të premten).
Ana e djathtë e anijes së Marinës ishte dëmtuar rëndë në përplasjen, por anija më vonë arriti të kthehej ngadalë në bazën e saj në Yokosuka, me ndihmën e anijeve të tjera të marinës amerikane.
