Një 26-vjeçar është arrestuar në flagrancë, pasi iu gjetën në automjet 102 kilogram e 500 gram lëndë narkotike Cannabis Sattiva.
Poseduesi i lëndës narkotike është identifikuar si Eraldo Canaj, banues në Vlorë, të cilit iu gjet droga në automjetin e tij tip “Polo” me targa AA 428 KC.
Operacioni i koduar “Shigjetat” u finalizua me sukses në aksin rrugor Vlorë-Orikum, në vendin e quajtur “Kalaja”.
Policia ka sekuestruar sasinë e lëndës së bashku me mjetin në cilësinë e provës materiale.
Materialet u referuan në Prokurori në ngarkim të shtetasit të lartpërmendur për veprën penale “Prodhimi dhe shitja e narkotikëve”, parashikuar nga neni 283/1 të Kodit Penal.
