Nevina Shtylla, kohët e fundit është ngacmuar shpesh pse është larguar nga “Klan”-i, nëse ka ndonjë motivacion të fortë. Por sigurisht, bukuroshja me mjaft diplomaci është munduar ti shmanget kësaj pyetje. Por mbrëmjen e djeshme, teksa ishte e ftuar në emisionin “Shiko Kush Luan”, ajo tregoi se kush ishte arsyeja pse kishte ndërmarrë këtë akt.
Nga “Jo vetëm modë” në “Klan”, Nevina tashmë drejton “Proçesin Sportiv” me Ed Manushin në “Top Channel”. Në emisionin “Shiko Kush Luan”, në rubrikën e fundit, “Ndaje ose haje”, Nevina ka treguar se është tërhequr gjithmonë nga ideja për të punuar në “Top Channel”.
“Kam qenë gjithmonë shumë e tërhequr ndaj idesë për të punuar në “Top”. “Top”-i më ka dhënë siguri, dhe kjo është një ndër arsyet kryesore”, ka thënë më tej ajo.
Po kështu, asaj i është dashur që të bëjë një zgjedhje mes Ardit Gjebresë dhe Ed Manushit. Pa nguruar aspak, duke qenë se e ka partner aktual në “Proçesin Sportiv”, Nevina ka zgjedhur Manushin.
