Getafe me 10 lojtarë mund Valencian dhe e lë 5 pikë pas Barcelonës

Skuadra e Marcelino Garcia Torral nuk ka mundur që të përfitojë nga ndalesa e Barcelonës një ditë më parë nga Celta Vigo, për ta çuar diferencën në 2 pikë. Getafe bëri një paraqitje gjigante në “Coliseum Alfonso Perez” në Madrid edhe psepër më shumë se 65’ minuta luajti me 10 lojtarë, pasi Arambarrit u ndëshkua me karton të kuq. Valencia pësoi kështu humbjen e parë sezonale dhe tashmë është -5 nga Barcelona dhe e sheh veten vetëm një pikë përpara Atleticos së Madridit që pozicionohet e treta.Ndaj Getafes, Valencia vuajti disa mungesa të rëndësishme si ato të Guedes, Garay-it dhe Murillos ndërsa në pushimin mes dy pjesëve humbi edhe mesfushorin francezin Kondogbia po për shkak dëmtimi. Goli i shënuar nga Bergaras në minutën e 66’, pas një devijimi të mbrojtjes së Valencias, rezultoi deçiziv për fatin e takimit. Valencia goditi shtyllën me Dani Parejon por pavarësisht përpjekjeve për të barazuar shifrat në fund doli pa pikë nga Madridi.