Keni kaluar një ditë të lodhshme, nuk keni më durim? Po sikur t’iu propozojmë që të dëgjoni gërhitjen e në mace? Sigurisht që do të surprizoheshit, por kjo do të jetë në favor të shëndetit tuaj mendor, pasi tashmë është vërtetuar shkencërisht se macet bëjnë çudira.
Gërhitja e tyre është një ilaç i vërtetë për ne. Një studim i bërë në Universitetin Missouri, në kuadër të Sektorit të Mjekësisë Veterinare ka dëshmuar se tingulli i gërhitjes së maces qetëson nervat, zvogëlon dhembjen dhe shpejton shërimin e njerëzve.
Gërhitja emetohet në frekuencën prej 25 deri në 100 hercë, e cila përdoret në mjekësinë humane në rastet e shërimit të eshtrave me ultratinguj, frakturave dhe inflamacionit të muskujve.
Ekspertët theksojnë se gërhitjet e maceve shërojnë më shpejt se të gjitha kafshët e tjera, sepse tingulli i tillë te njerëzit nxit endrofinën dhe pikërisht kjo zvogëlon dhimbjen dhe ofron ndjenjën e qetësisë.
“Macet janë eksperte në ruajtjen dhe magazinimin e energjisë në organizmin e tyre, posaçërisht në periudhën e dremitjes dhe pushimit ditor”, sqaron Dr. Leslie Lyons, eksperte e gjenetikës dhe profesore në Universitetin Missouri.
Mjekja sqaron se ato nuk shpenzojnë aspak energji edhe kur gërhasin, ndërsa përkëdhelen nga njerëzit. “Kur njerëzit i marrin në krah dhe i përkëdhelin, ato me kënaqësi gërhasin dhe me atë rast, nuk shpenzojnë kurrfarë energjie tjetër, por as nuk lodhen në rastin e emetimit të atyre vibracioneve”.
