Pas takimit me studentë e pedagogë në Shkencat Sociale, kreu i Lëvizjes Vetëvendosje Albin Kurti, ka komentuar edhe emërimin e Gent Cakajt si ministër të Punëve të Jashtme.
Kurti akuzoi drejtpërdrejt Baton Haxhiun si njeriun më të urryer, e më pas tha se në Kosovë dhe Shqipëri ka pafund njerëz më të përgatitur dhe më patriotë që meritojnë të jenë në krye të diplomacisë shqiptare.
“Gent Cakaj shpërtheu si rrena”, tha ndër të tjera politikani nga Kosova.
Albin Kurti: Baton Haxhiu është një nga njerëzit më të urryer në Kosovë për shkak të lidhjeve të tij me shefin e shërbimit sekret shtetëror serb i cili i ka formuar edhe tigrat e Arkanit dhe shkorpjonët dhe beretat e kuqe, tri formacione famëkeqe që kanë bërë masakra në Kroaci, Bosnje dhe Kosovë. Dhe ky person të ketë kaq shumë ndikim nuk ka shpjegim ndryshe përveçse vazhdon shteti i Serbisë të qëndrojë prapa. Gent Cakaj shpërtheu si rrena. Besoj që edhe në Republikën e Kosovës dhe në Shqipëri ka panumërt njerëzish më cilësor, më të përgatitur, më të ditur dhe më patriot që të jenë në krye të politikës së jashtme të Shqipërisë.
