Gena, një emër i njohur i muzikës shqiptare, ka ndarë me publikun një rast të cilin e ka vënë në siklet. I pranishëm shpesh në dasmat në trojet shqiptare e jo vetëm, këngëtari mirëpritet shpesh nga çiftet e reja. Këngëtari ka treguar gjatë një interviste në “Shqipëria Live” se traditat kanë ndryshuar. Dikur lekët i merrte këngëtari e ndërsa sot çifti. Këngëtari bie paraprakisht në marrëveshje me çiftin për shumën e kërkuar dhe çfarë hidhet për çiftin, i marrin vetë ata.
“Ka ndryshuar tradita, paratë i merr çifti. Më parë i ka marrë këngëtari”, tha Gena.
Këngëtari ka zbuluar dhe një rast kur i kanë hedhur rreth 7-8 mijë euro false, dhe është ndjerë i turpëruar, por nuk i ka telefonuar ata që bënë dasmën.
“Kemi çuar lekët në bankë dhe aty është turp i madh se kanë dalë që janë false dhe është problem tjetër”.
Çfarë vlere mund të kenë qenë false?
“Rreth 7-8 mijë euro. Përpara 10 vitesh, ishin të kopjuara aq mirë sa nuk kuptoheshin. Ai mund të të hedhë dhe florinj e të dalë bakër. Ideja është që ke në dorë lekë false dhe ndihesh i turpëruar në atë moment”.
