Partizanit nuk i mjafton dëshira përballë sllovenëve të Maribor. Në ndeshjen e turit të parë të Europa League ekipi kryeqytetas është mposhtur me rezultatin 1-0 në “Selman Stërmasi”. Një paraqitje dinjitoze e “Të Kuqve” që në rast se do ti kishin shfrytëzuar më mirë rastet e krijuara mund të kishin mbyllur ndeshjen me një rezultat tjetër. Skënder Gega bëri një debutim mjaft të mirë në stolin e Partizanit, pasi skuadra tregoi dëshirë dhe dinjitet në fushë pavarësisht humbjes.
Ishte Partizani që shfaqet rrezikshëm që në minutat e parë, por Asani i vetëm përballë portierit Handanovic nuk arrin të shënojë. Ndërsa më pas miqtë e Marobor fitojnë terren dhe shfaqen të rrezikshëm përballë Hoxhës, madje shpërdorojnë edhe një rast me portën e boshatisur me Bajde.
Pjesa e dytë fillon me gol nga tuneli, është pikërisht Bajde që korogjon gabimin e pjesës së parë duke e dërguar topin në rrjetë. Në minutat në vazhdim të pjesës Maribori ishte më mirë por në një rast Hoxha bëri shpëtimtarin ndërsa lojtarët sllovenë nuk kishin saktësinë e duhur në finalizim.
Partizani tentoi të reagonte por Bardhi i ardhur në fushë nga stoli humbi një shans të mirë. Në Selman Stërmasi përfundoi gjithçka me rezultatin 0-1 me Partizanin që do të tentojë të bëjë të pamundurën të mundur pas 1 jave në Slloveni.
