Prestigjiozja italiane “Gazzeta Dello Sport” ka publikuar formacionet e mundshme që mund të paraqiten dy ekipet në sfidën e mbrëmjes Shqipëri-Itali. Për kombëtaren Shqiptare konfirmon 4-5-1 por me një ndryshim në mesfushë ku pritet të jetë Andi Lila dhe Ergys Kace.
Në portë do të jetë pa diskutim gardiani Etrit Berisha, ndërsa para tij do të jetë i rikthyeri Mavraj , bashkë me Ajetin. Ndërsa në krahët e mbrojtjes do të jetë Hysaj në të djathtë dhe kapiteni Agolli në të majtë. Mesfusha do të jetë e mbingarkuar me pesë lojtarë, ku në qendër të mesfushës do të qëndrojë Basha dhe Memushaj, për të plotësuar treshen do të jetë Lila i cili si duket e ka lënë pas dëmtimin, e jo Kace që ishte menduar. Në krah të djathtë do të rikthehet Roshi, ndërsa krahu i majtë pritet ti besohet sërish Grezdës. Sulmi pritet të drejtohet nga elbasanasi Armando Sadiku i cili ka analizuar shumë këtë ndeshje kokë më kokë me trajnerin Panucci.
Ndërsa Ventura pritet të hedhë në fushë formacionin që u përball me Spanjën, një 4-2-4, ku porta do të mbrohet nga legjenda Buffon. Para tij do të rreshtohen Chiellini, Bonucci dhe nga krahët Darmian e Spinazzola. Në mesfushë do të jenë vetëm dy lojtarë, Parolo i Lazios dhe Gagliardini i Interit. Sulmi do të përbëhet nga Immobile, Eder në qendër dhe Candreva e Insigne nga krahët.
