Ndërtimi i gazsjellësit TAP do ndihmojë në gjenerimin e ekonomisë shqiptare, ndërsa kjo mund të shërbejë si një sektor ku Shqipëria do mbajë në rajon “flamurin” e furnizuesit me gaz. Ndërkohë Shqipëria po përgatitet për ndihmën që TAP do t’i ofrojë tregut të saj të gazit deri në vitin 2020, ndërsa Mali i Zi dhe Kosova pritet të ndjekin shembullin e Shqipërisë-shkruan Tirana Today.
Gazsjellësi TAP do të shoqërohet me ndërtimin e infrastrukturës së re të gazit, ndërsa më pas, kjo do të shërbejë si shpërndarje në vendet e tjera të Ballkanit. Gazifikimi i vendeve të Ballkanit, natyrisht duhet të shoqërohen me ndërtimin e logjistikës dhe infrastrukturës për të patur një shërbim të shpejtë dhe me kosto sa më të lirë-shkruan Tirana Today.
Viti 2020 do jetë viti ku Shqipëria do ketë infrastrukturën e gazsjellësit TAP, ndërkohë shembullin e saj duhet ta ndjekin Kosova dhe Mali i Zi. Ndërkaq Shqipëria sipas këtij plani, pritet të jetë e para nga vendet e Ballkanit që do të furnizohet me gaz nga Azerbajxhani dhe do të shërbejë si një minishpërndarës për të gjithë rajonin.
Tirana ka prezantuar një masterplan të gazit në vitin 2016 për gazifikimin e Shqipërisë në vitet 2020-2040. Plani paraqiste TAP-in si burimin kryesor të furnizimit. TIRANA TODAY
