Gazetarja e kronikës, Klodiana Lala, të enjten, pyeti ish-ministrin Saimir Tahiri në lidhje me udhëtimin e tij me jaht nga Mali i Zi drejt Italisë, në maj të 2017-ës.
Lala i kërkoi ish-ministrit Tahiri në studion e emisionit “Opinion” se në pronësi të kujt ishte mjeti lundrues dhe a keni udhëtuar ju nga Mali i Zi drejt Italisë me një mjet që kushton rreth 600 mijë euro.
Ndërsa ish-ministri është shprehur se nuk ka ndërmend të bëjë avokatin e vetes dhe t’i lejojë ata të bëjnë prokurorët.
“Unë gjyqin preferoj ta bëj aty ku bëhet. Nuk kam ndërmend të merrem këtu me deklaratat e prokurorëve, ata t’i çojnë në Gjykatë dhe aty vendoset nëse jam apo jo i pafajshëm. Unë sot dola sepse kam një vendim nga antimafja që thonë se ky zotëri nuk ka lidhje me çështjen”, tha ai.
“Unë kam 15 vjet që shëtis me skaf dhe do shëtis sa herë të dua. Avokatinë time do ta bëj në gjyq. Po bëtë prokurorët unë e bëj pass debatin. Ato përgjime që nxorët në studio, Prokuroria e Italisë tha se janë nul, si t’ua them këtë?!”, iu përgjgij pyetjes për shëtitjet me skaf.
Pjesë nga intervista:
Klodiana Lala: Për Moisi Habilaj, si ka mundësi që një person po hetohej prej 4 vitesh nga italianët, arrinte të merrte skafin që ju e kishit përdorur. Se keni thënë që nuk keni njohje me ta?
Unë gjyqin preferoj ta bëj aty ku bëhet. Nuk kam, ndërmend të merrem këtu me deklaratat e prokurorëve, ata t’i çojnë në Gjykatë dhe aty vendoset nëse jam apo jo i pafajshëm. Unë sot dola sepse kam një vendim nga antimafja që thonë se ky zotëri nuk ka lidhje me çështjen.
Basir Çollaku: A keni pasur dijeni se janë në përgjim Habiljat dhe a keni firmosur këtë?
Unë po flisja dhe më ndërpreve, dhe dhashë një përgjigje shumë konkrete, unë dola sot para mediave… unë për ju nuk jam burrë i dheut, jam zoti Tahiri, me mua korrigjo gjuhën. E dyta unë sot nuk kam dalë të bëj as avokatinë time dhe as të dëgjoj ju të bëni prokurorët. Nuk po di në cilën mënyrë t’ua them që ju duhet të heshtni kur unë flas.
Unë sot kam dalë të them se unë u njoftova që në Itali u mbyll një proces hetimor që për mua është shumë i rëndësishëm.
Basir Çollaku: A keni shëtis me skaf apo jo?
Unë kam 15 vjet që shëtis me skaf dhe do shëtis sa herë të dua. Avokatinë time do ta bëj në gjyq. Po bëtë prokurorët unë e bëj pass debatin.
Ato përgjime që nxorët në studio, Prokuroria e Italisë thanë se janë nul, si t’ua them këtë?!
Klodiana Lala: Në maj të 2017 keni udhëtuar me një jaht nga mali i zi në drejtim të Italisë? Në pronësi të kut ishte? A keni qenë kapiten?
Me skaf dhe jo në jaht, kam bërë pushime për qejf. Po kapiten jam, kam patentë, kam dhe patentë avioni, ca do me thënë kjo? Unë nuk hetohem për pushimet e mia. Nuk kam qenë në asnjë detyrë për kohën kur i referoheni. Unë kam duruar këtë një vit dhe ju kam dëgjuar, që prokuroria ka shkruar në shtëpinë time, ka marrë bizhuteri…
Blendi Fevziu: E thatë këtë…
Duroni 5 minuta, unë kam duruar një vit. Unë nuk kam ndërmend…
