Një incident ka ndodhur gjatë emisionit të mëngjesit në televizionin grek ANT1, ku moderatorja ka humbur ndjenjat teksa raportonte live.
Sikundër shihet edhe nga pamjet në fjalë, prezantuesja Konstantina Klokotara ka humbur ndjenjat dhe është rrëzuar.
Të shokuar për çfarë ndodhi, menjëherë ndihma e parë ka ardhur nga dy kolegët e saj. Dy bashkëprezantuesit nxituan të ndihmonin kolegen e tyre, e cila ishte shtrirë në tokë.
Pas këtij incidenti, transmetimi televiziv u ndërpre për disa minuta. Gazetares iu dha ndihma e parë, dhe aktualisht ajo është në gjendje të mirë shëndetësore.
