Studentët vazhduan protestën ditën e sotme para kryeministrisë në ditën e 13 të saj. Duke parë që kryeministri Rama nuk ua ka plotësuar 8 kërkesat e tyre, ata kanë vendosur ta përshkallëzojnë protestën duke bllokuar rrugët.
Një pjesë e tyre u zhvendosën në rrethrrotullimin e Zogut të Zi, duke bllokuar kështu kalimin e mjeteve. E ngecur “në kurthin” e studentëve ishte dhe gazetarja Mira Kazhani, e cila sipas tyre ka tentuar t’i shtypë.
Një student ka dërguar videon pranë redaksisë së JOQ, në të cilën shihet se si Kazhani u kërkon studentëve të hapin rrugën, madje ajo i jep edhe gaz makinës. Me gjithë përpjekjen e saj për të kaluar, Kazhani nuk ia arrin dot dhe pas disa minutash, tërhiqet.
