Çdo ditë e më shumë po evidentohen rastet e helmimit të qytetarëve. Mjaft biznese nuk plotësojnë kushtet më minimale, duke mbajtur edhe produkte të skaduara.
Gjatë këtij sezoni turistik, kontrollet janë shtuar në masë, për ndalimin e çdo veprimtarie të kundraligjshme e të rrezikshme nga subjektet që neglizhojnë apo shkelin rregullat e sigurisë ushqimore.
“Gjatë aksionit që AKU po ushtron në zonat bregdetare, trupa inspektuese DRAKU, Vlorë ka evidentuar tre subjekte, dy me aktivitet “Restorant” dhe një “Fast Food” ku kryenin veprimtari në kundërshtim me standardet e sigurisë ushqimore, si dhe në kushte të rënda higjeno-sanitare.
Ndaj subjekteve, restorant “Lavdoshi”, restorant “Kapiteni” dhe Fast-Food “Spiro Kreku”, janë marrë masë administrative gjobë 300.000 lekë për secilin si dhe bllokim i menjëhershëm i aktivitetit”.
