Milani ka përjetuar një humbje “shpërfytyruese” përballë Napolit të Ancelottit nja natë më parë. Kuqezinjtë deri në minutën e 51’ ishin në avantazhin e dy golave, por kur arbitri vërshëlleu për herë të fundit, rezultati ishte 2-3 për napolitanët.
Trajneri Gennaro Gattuso është treguar mjaft i ashpër me disa nga lojtarët e tij pas ndeshjes dhe një ndër ta ka qenë edhe afrimi me shumë bujë i kësaj merkatoje, Tiemoue Bakayoko. Mesfushori francez është huazuar nga Chelsea dhe u hodh në lojë pasi Milani pësoi golin e parë, por Gattuso duket se ka mbetur mjaft i zhgënjyer nga paraqitja e tij.
“Bakayoko duhet të mësojë si të fitojë topin,” shprehet Gattuso. “Duhet të punojmë ashtu siç duhet, nuk do të jetë e lehtë. Një javë nuk mjafton për të hequr defektet e një lojtari. Do të preferoja të trajnoja lojtarë më të vjetër dhe më me eksperiencë.”
