Shqipëria do të përballet me Uellsin në një miqësore luksi në “Elbasan Arena”. Me interes më të madh nga tifozët po pritej nëse Gareth Bale do të grumbullohej për këtë takim apo jo. Ryan Giggs ka publikuar listën e lojtarëve që do të grumbullojë për miqësoren ndaj Shqipërisë dhe takimin e “Nations League” kundër Danimarkës. Në listën e përfaqësueses uellsiane nuk mungojnë emrat e futbollistëve elitarë.
Gareth Bale dhe Aron Ramsey janë lojtarët më të rrezikshëm të përfaqësueses nga ishujt britanik. Takimi miqësor midis kombëtareve të Shqipërisë dhe Uellsit do zhvillohet më datë 20 nëntor, ora 20:00 në stadiumin “Elbasan Arena”.
