Gara për presidentin e FSHF-s sa vjen e bëhet më interesante, ku në pistë ka dalë hapur edhe emri i Bashkim Finos. Ky i fundit përpos replikave që ka pasur kohët e fundit me presidentin aktual Armando Dukën, tashmë ka edhe mbështetës në këtë garë.
Në krah të tij ka dalë një nga personazhet më të njohur të botës së sportit, Fidel Ylli. I cili ka deklaruar publikisht në emisionin “Fair Play” nga Enkeleda Zeko, se Bashkim Fino është një profil mjaft i mirë për të marrë drejtimin e Federatës Shqiptare të Futbollit. Po ashtu Ylli ka hequr cdo mundësi që ai personalisht të jetë kandidat në këto zgjedhje.
“Ma kanë ofrua këtë post, si të thuash ma kanë propozuar, më kanë thënë hajde por ju kam përgjigjur me jo. Pse? E para nuk dua t’i jap një kosto politike sportit në kuptimin e asaj që sporti ka pavarësinë nga politika. E dyta, si mund të futem unë në një garë dhe të vendos se ma ofroi dikush një muaj më parë, pra, nuk mund të jem humbës. Bashkim Finon e kam mik shumë të ngushtë, e dua shumë, ka qenë një kontribut që në komitetin olimpik. Ka dëshirë të kandidojë dhe pse jo. Projektin e Finos nuk e di.”
