Nëse nuk besoni në miqësinë pas ndarjes, atëherë rasti i Gabriel Garkos dhe aktores italiane Eva Grimaldi, ju bën të ndryshoni mendje.
Kjo e fundit do të kurorëzojë në martesë lidhjen e saj me partneren politikane, Imma Battaglia do të kurorëzojnë dashurinë e tyre me martesë. Dasma do të mbahet më 19 maj në një resort në Romë dhe mes 10 dëshmitarëve do të jetë dhe ish-partneri i Eva-s, aktori Gabriel Garko. Madje, ky i fundit është fansi numër 1 i çiftit Eva-Imma.
Garko dhe Eva kanë pasur një lidhje dashurie, ndërsa sot ata janë miq dhe mbështetës të njëri-tjetrit
“Ai e adhuron Imma-n. Tani flet vetëm për të dhe rri vetëm me të. Kur mori vesh që do të martoheshim ishte në qiellin e shtatë”, -ka treguar Eva për “Chi” duke iu referuar Gabriel Garko-s, shkruan revista Class. Aktorja ka treguar gjithashtu se ajo do të jetë nusja dhe do të veshë fustanin e bardhë, ndërsa Imma do të shkojë me kostum, ashtu siç i pëlqen të vishet zakonisht.
Kjo është martesa e dytë e Grimaldi-t, e cila u martua me Fabrizio Ambroso-n në vitin 2006, por në 2010-ën i dhanë fund martesës.
