Udhëheqësit e G7 janë mbledhur në Gjermani për një samit tre-ditor në Bavari, me luftën në Ukrainë në krye të axhendës.
Në ditën e hapjes dje, ata theksuan pozicionin e tyre të unifikuar në mbështetjen e Ukrainës, dhe përcaktuan planet për të mobilizuar qindra miliarda dollarë në investime në infrastrukturë për botën në zhvillim.
Presidenti i SHBA-së Joe Biden, tha se nisma do të tregonte përfitimin konkret të partneritetit me demokracitë.
Presidentja e Komisionit të BE-së, Ursula von der Leyen, tha se do të ndihmonte vendet e varfra të përballen me goditjet ekonomike të dyfishta të pandemisë Covid dhe luftës në Ukrainë.
Shumë vende në zhvillim fajësojnë sanksionet perëndimore – si dhe pushtimin e Rusisë – për kostot në rritje të gazit dhe naftës, dhe mungesën masive të grurit.
Kancelari Olaf Scholz i Gjermanisë theksoi rëndësinë e investimeve në energjinë me karbon të ulët – në përgjigje të asaj që ai e quajti përdorimin e energjisë nga Rusia si armë.
Burimi i lajmit: BBC. Përshtatur nga Tirana Today
