Futbollisti Rojo në hotelin misterioz, pushime për libër me detektiv

Nëse kjo histori do të ishte një roman me detektiv, duke marrë titullin e famshëm debutues të Sherlock Holmes-it, sigurisht që do të quhej “Një studio në ‘Rojo’ (e kuqe)”.

Po, sepse protagonist i kësaj historie absurde është Marcos Rojo (mbiemri i të cilit përkthehet ‘e kuqe’), ish-mbrojtësi i Argjentinës dhe Manchester United-it.

Është vera e vitit 2019 dhe futbollisti ka rezervuar pushime ekstra luksoze në Republikën Dominikane, në një hotel ekskluziv dhe pa paparazzi. Sidoqoftë, pas disa ditësh, ndodh një ngjarje e papritur: ndërsa Rojo është i angazhuar në një udhëtim peshkimi, një turist anglez i cili po qëndronte në të njëjtin hotel, humbet jetën.

Shkaqet e vdekjes janë absolutisht natyrale, por Rojo informohet nga disa punonjës që javët e fundit ai vend është bërë skenë ngjarjesh të çuditshme:

përpara turistit anglez, në fakt, brenda dy muajsh, tre të ftuar të tjerë kishin humbur jetën në mënyrë mjaft misterioze. Së pari një grua 41-vjeçare, pasi kishte pirë një pije në pishinën, pastaj një çift amerikan, u gjet i pajetë brenda dhomës së tyre.

Dukshëm i frikësuar për vdekje, pa e menduar gjatë, Rojo përgatit ‘rraqet’ dhe bagazhet dhe niset në fluturimin e parë të disponueshëm, duke e bërë të qartë se nuk dëshironte të ishte protagonisti i rradhës.