Futbolli portugez në zi, humb luftën me kancerin talenti Edu

Talenti i Boavista-s, Edu Ferreira ka humbur luftën me kancerin në një moshë të re dhe është dorëzuar ditën e Krishtlindjes. Futbollisti 20-vjeçar u diagnostikua gjatë nëntorit të kaluar, dhe sëmundja e mposhti të dielën në spitalin Santo Antonio të Portos.

Edu filloi stërvitjen me klubin në fillimin e 2016/17, por u detyra të tërhiqej pasi u zbulua tumori në kockën e këmbës. Në fillim të këtij muaji është zbuluar se skuadra portugeze i kishte rinovuar kontratën talentit deri në 2019, dhe kishte vazhduar t’i paguante rrogën. Por në mënyrë tragjike, klubi konfirmoi vdekjen e tij me anë të një komunikate zyrtare.

Aty shkruhej: “Të kuptosh lojën mund të jetë shumë e vështirë, sidomos kur e keqja të troket në derë pasi sapo kemi humbur njeriun tonë. Do ta dedikojmë këtë ditë të kujtojmë momentet e mira që kemi kaluar së bashku. Humbja është e madhe dhe zemrat tona nuk do ta harrojnë kurrë. Sot, parajsës i është shtuar një tjetër yll. U prehsh në paqe, Edu!” Varrimi i tij do të bëhet më 27 dhjetor.