Jose Antonio Reyes, ish-sulmuesi i Arsenalit dhe Sevilla-s, ka gjetur vdekjen si pasojë e një aksidenti rrugor. Lajmi është konfirmuar nga skuadra e Sevilla-s, nëpërmjet një postimi në Twitter.
“Nuk mund të njoftonim lajm tjetër më të keq se ky. Ish-lojtari ynë i dashur i skuadrës së të rinjve, Jose Antonio Reyes ka vdekur në një aksident rrugor. U prehsh në paqe,” – shkruhet në postimin e faqes së Sevilla-s në Twitter.
We couldn’t be confirming worse news. Beloved Sevilla star José Antonio Reyes has died in a traffic collision. Rest in peace. pic.twitter.com/qeGl2nsi3c
— Sevilla FC (@SevillaFC_ENG) June 1, 2019
Reyes ka luajtur për herë të fundit me skuadrën spanjolle të nivelit të dytë, Extremadura. Ai ka luajtur gjithashtu për Real Madrid dhe Atletico Madrid, si dhe ka qenë pjesë e skuadrës kombëtare të Spanjës, të cilën ai e përfaqësoi në Kupën e Botës të vitit 2006.
Ai ishte pjesë e skuadrës së ‘pamposhtur’ të Arsenalit, e cila fitoi Premier League në vitin 2004 pa pësuar asnjë humbje duke shënuar 2 gola në 13 paraqitje.
