“Si kosovare”, Ariana Berisha, e cila është rritur në Zvicër thotë se: “Keni tre mundësi”. Opsioni i parë është: Të përmbushni pritshmërinë e familjes suaj. Opsioni i dytë: Të merrni liritë tuaja fshehurazi dhe bëmi një jetë të dyfishtë. Opsioni i tretë: Të luftoni për një jetë të vetë-përcaktuar dhe “paguani pasojat”, shkruan Tirana Today.
Të ulur në një kafene në Luzern, me Ariana Berishën, ajo fillon dhe tregon për jetën e saj. “Nëse ju kujdeseni për fëmijët, ju do të jeni një nënë, shtëpiake dhe gruan e mirë. Një grua duhet të marrë përsipër të jetë e qetë. Burrat kanë të drejtë dhe duhet të flasin. Një grua duhet të gatuaj, të mos tërheqë vëmendjen dhe mbi të gjitha: të mos njollosë nderin e familjes”.
Ariana Berisha ishte pesë vjeç kur ajo dhe familja e saj lëvizin nga Kosova në Zvicër. Gjatë adoleshencës, ajo kuptoi se jetonte ndryshe nga shoqet e klasës në Zvicër. Miqtë e saj i kalonin mbrëmjet në qendra rinore, vendosnin make-up, vishnin pak rroba, organizonin takime me djem.
“Mua nuk më lejohej t’i bëja këto”, kujton Berisha. Sepse, prindërit i thonin: “Vajzat e mira nuk i bëjnë këto”. Por Berisha nuk dëshiroi të ishte vajza që prindërit e saj donin. Ajo dëshironte të jetojë si shoqet e saj zvicerane. Dilte në mbrëmje nëpër qendra rinore, vishte funde të shkurtër.
Ajo nuk done të bënte sikur thonin burrat. Ajo donte një jetë për të cilën ajo donte të vendoste vetë. Ajo rezistonte ndaj familjes së saj. Jo në mënyrë të fshehtë, por plotësisht hapur. Ajo vendoste, make-up, pinte duhan, takohej me djem, qëndronte vonë në mbrëmje. Dhe për këto ajo duhet të vuante pasojat. Kur ishte 15-vjeç, Ariana Berisha i mbante flokët me gërsheta të vegjël. Ajo ndihej e lumtur me stilin e saj të flokëve dhe i ngjante vetja e bukur.
Një mbrëmje, i vëllai e priti në shtëpi: “Çfarë po kërkon të bësh”, ai i bërtiti, e goditi me shuplakë dhe e kapi për flokësh. Por, ajo nuk heq dorë nga stili i saj i flokëve shkoi të nesërmen në parukeri dhe i bën sërish gërsheta flokët.
“Shqiptarët kanë një mentalitet shumë të ngushtë. Brezi i vjetër gjithmonë ndërhyn në çdo gjë”, Ariana. Por, pas gërshetave vjen make-up dhe rrobat e ngushta, si dhe kishte krijuar lidhjen e saj të parë të dashurisë. Por kur kthehet në shtëpi pasi kishte dalë të festonte shikon që të gjithë rrobat e saj i kishin prerë, telefonin ia kishin prishur. Berisha sheh një problem themelor në kulturën shqiptare: “Që kur lufta mbaroi, edhe pse shqiptarët e Kosovës janë bërë më tolerantë, ata kanë më shumë mundësi, më shumë njohuri për çështjet e huaja. Por po ecin ngadalë”.
Berisha në veçanti do të donte që gratë shqiptare të bëhen më të pavarura. Por, adoleshencën ajo e kaloi nën presion edhe pse gjithmonë bëri atë që dëshiroi më shumë. Kur ajo kishte mbushur 18-vjeç, ishte veshur me rroba me bark jashtë, dhe mamaja e saj i kishte thënë : A je çmendur? Sot nuk ka asnjë lloj pengese nga familja e saj. Ajo jeton në Zvicër, udhëton nëpër botë dhe jeton e takon kë të dëshirojë. Sot, ajo ka një marrëdhënie të mirë me familjen e saj. Ajo nuk ka asnjë urrejtje ndaj tyre, madje rrahjet i kishin falur.
Sa më shumë Berisha, filloi të njihte kulturën shqiptare, aq më shumë ajo kuptoi për botën e prindërve të saj: Ata u sollën shumë ashpër me mua, edhe pse u përpoqën të ishin tolerant. Ndërkohë, familja e saj ka vendosur të jetojë në Zvicër, pasi e vlerësojnë lirinë këtu. “Unë isha motori i integrimit të familjes sime”, thotë ajo. Ajo tregon se familja e saj ka ndryshuar shumë dhe vëllezërit e saj gjithashtu, ata nuk i pengojnë bashkëshortet e tyre të bëjnë një jetë të lirë dhe të frekuentojnë diskotekat, gjë që ia kërkuan Arianës me ngulm.TIRANA TODAY
