Vihet në pranga autori që qëlloi me armë pronarin e një fasoneri në Fushë-Krujë mbrëmjen e së shtunës. Policia në Krujë bëri të ditur se kishte vënë në pranga 42-vjeçarin Fatmir Rrahmani që qëlloi në këmbë pronarin e një fasonerie, 61 vjeçarin Arben Dedja.
Ngjarja ndodhi në lagjen “Sinur” në Fushë Krujë, në orën 19 të së shtunës, ku Rrahmani mësohet se e ka ka plagosur me armë zjarri në këmbë Dedjen pas një zënke të çastit. Policia bën të ditur se Dedja është nën kurimin e mjekëve dhe jashtë rrezikut për jetën, ndërkohë që arratia e Rrahmanit ka zgjatur vetëm 12 orë. Policia ka sekuestruar pamjet filmike të bizneseve aty pranë për të evidentuar edhe më qartë dinamikën e konfliktit që soilli plagosjen e Dedjes. Materialet mësohet se i kanë kaluar Prokurorisë së Rrethit Gjyqësor Krujë, për veprime të mëtejshme.
Njoftimi i policisë:
Vihet në pranga, autori i ngjarjes së ndodhur ditën e djeshme në Krujë, ku mbeti i plagosur me armë zjarri 61-vjeçari.
Specialistët për Hetimin e Krimeve në Komisariatin e Policisë Krujë, në vijim të punës për dokumentimin e plotë të ngjarjes së ndodhur dje në Krujë, bënë arrestimin e autorit të dyshuar shtetasit F. Rr., 42 vjeç, banues në fshatin Luz, Fushë Krujë.
Ky shtetas ditën e djeshme, rreth orës 18:50, pas një konflikti të çastit për motive të dobëta, në lagjen “Sinur” Fushë Krujë, ka plagosur me armë zjarri në këmbë, shtetasin A. D., 61 vjeç, i cili ndodhet nën kujdesin e mjekëve, jashtë rrezikut për jetën.
Nën drejtimin e Prokurorisë vijon puna për dokumentimin e plotë të kësaj ngjarje.
Materialet i kaluan Prokurorisë së Rrethit Gjyqësor Krujë, për veprime të mëtejshme.
