Titaniku, është tragjedia detare më e përmendur, por nuk është tragjedia më e madhe në histori. 33 vite më vonë, do të mbytej në ujërat e acarta të detit Baltik kryqëzori gjerman “MV Wilhelm Gustloff”.
Gati 10 mijë njerëz gjetën vdekjen, më shumë se gjysma e tyre fëmijë. Anija ishte nisur nga qyteti polak i Gdinias me destinacion Kielin në veri të Gjermanisë. Në bord ndodheshin kryesisht refugjatë lufte, gjermanë, lituanezë, letonezë, polakë etj, si edhe 1000 ushtarë dhe anëtarë të Gestapos.
Një nëndetëse ruse e pikasi, dhe e qëlloi me 3 silurë më 30 janar 1945. Anija 25 mijë tonëshe, u mbyt brenda 40 minutash.
Anija mbante zyrtarisht në bord 10.582 njerëz. Nga të cilët 9343 vdiqën. Mes qindra të mbijetuarve, ishte piloti 19 vjeçar gjerman Heinz Schön. Ai ia kushtoi pjesën më të madhe të jetës dokumentimit të asaj tragjedie.
Kur vdiq në vitin 2013, një ekip zhytësish çuan në fundin e detit hirin e trupit të tij, për t’u prehur atje bashkë me shumë të tjerë.
TIRANA TODAY
