Të paktën 31 persona kanë gjetur vdekjen pas fundosjes së një anijeje e cila mbante rreth 500 emigrantë që i ishin nisur drejt Italisë, bëjnë të ditur mediat italiane.
Ngjarja ndodhi sot rreth 30 milje larg bregdetit të Libisë, nga ku ishte nisur anija.
Mendohet se numri i viktimave mund të jetë më i madh, ndaj po vijon kërkimi për të zhdukur, i koordinuar nga Roja Bregdetare me ndihmën e 14 anijeve.
Deri tani janë kryer 15 operacione të ndihmës së shpejtë.
Sipas një raporti të Organizatës Ndërkombëtare për Migrim (IOM), që nga fillimi i këtij viti, kanë gjetur vdekjen në Mesdhe gjatë përpjekjeve për t’u larguar nga territoret në konflikt në Lindjen e Mesme 1.316 emigrantë. Sipas raportit, gjatë kësaj periudhe, 53.912 emigrantë janë futur në Evropë.
