Të dhurosh gjak dhe të shpëtosh një jetë është shumë më tepër se humane. Ka shumë gjera që na ndajnë në këtë jetë, mendimet dëshirat, ëndrrat, mundësitë por ajo që na bashkon të gjithëve është dëshira për të jetuar. Disa prej nesh varen nga të tjerët për të jetuar dhe disa ditë më shumë. Në disa vende të botës dhurimi i gjakut për të ndihmuar ata që janë në nevojë është kthyer në kulturë, në stil jetese. Gjithçka vjen me kohën por duhet ta fillojmë diku.
Muaji tetor është muaji i dhurimit të gjakut për fondacionin “Fundjava Ndryshe”. Është hera e dytë që ky fondacion nis fushata sensibilizuese për dhurimin e gjakut. Drejtori Ekzekutiv i fondacionit, Arbër Hajdari i ftuar në rubrikën “Opinion” në televizioni “News 24” ka sqaruar me detaje e përse u ndërmor kjo nisëm për herën e dyte. Zoti Hajdari tha se ishin mesazhet e shumta të njerëzve që vinin në adresë të “Fundjava Ndryshe” duke kërkuar ndihmë sepse në vende të tjera s’kishin marrë asnjë përgjigje për zgjidhjen e problemit të tyre. Gjithashtu, ai tha së nisma është e shtrirë në disa qytete të Shqipërisë ku do të ketë datat përkatëse në tetor. Zoti Hajdari shtoj se projekti është në bashkëpunim më qendrën e transfuzionit të gjakut.
“Kemi shumë mesazhe të njerëzve që kërkojnë gjak dhe e vetmja mënyrë për ta siguruar gjakun është nëpërmjet fushatave. Kemi pasur mesazhe nga persona që e kanë jetik nevojën e marrjes së gjakut. Vazhdojnë e na dërgojnë mesazhe çdo ditë sepse nuk kanë kujt ti shkruajnë, sepse askush nuk u përgjigjet.
Kjo është një fushatë e cila do të jetë në disa qytete të Shqipërisë do të jetë në Tiranë, Durrës, Elbasan Dibër, Vlorë dhe Pogradec. Aty ku ne kemi aktualisht aktivitetin më të zgjeruar.
Ne do të bashkëpunojmë me qendrën e transfuzionit të gjakut. Datat janë të ndara për shkak t kombinimit me qendrën e gjakut. Në datë 1 tetor do te jetë në Tiranë dhe në Durrës, më datë 7 tetor në Vlorë dhe në Elbasan, në datë 15 tetor do të jetë në Pogradec dhe në Dibër.” tha Drejtori Ekzekutiv i fondacionit “Fundjava Ndryshe”, Arbër Hajdari.
