Jemi në stinën e verës, e me mjaft interes të shtuar pritet edhe se si do të jetë moti, pasi pushuesve nuk duhet tu shkatërrohen pushimet. Rrezet e diellit janë ana tjetër e medaljes, e ndërsa sot pritet një alternim i motit në zona të ndryshme të vendit, ku nuk do të mungojnë reshjet e dobëta lokale.
Reshjet mund të prekin kryesisht zonat malore të qarqeve, gjatë pasditeve. Në ndonjë rast të rrallë, në zona shumë të kufizuara, reshjet mund të jenë edhe në formën e shtrëngatës, por me kohëzgjatje të shkurtër. Sot temperaturat minimale dhe maksimale të ajrit pritet të arrijnë:
në bregdet: 20 / 32 °C
në vendet e ulëta: 19 / 31 °C
në vendet malore: 14 / 28 °C
Moti i nxehtë ka pushtuar vendin tonë gjatë ditëve të fundit, por siç thonë metereologët, i nxehti afrikan pritet të prekë vendin shumë shpejt, veçanërisht gjatë fundjavës.
Një pjesë e mirë e Evropës është përfshirë prej 3-4 ditësh nga i nxehti afrikan. Megjithatë territori shqiptar e ndjen kryesisht të shtunën dhe të dielën. Pjesa më e madhe e Shqipërisë do të shënojë temperatura nga 33, deri në 36 gradë Celsius. Në qytete si Shkodra, Elbasani, Fieri e Berati, por edhe Gjirokastra, temperaturat pritet të shënojnë deri në 38 gradë celsius.
