Gjatë mesditës së sotme, Skënder Gjinushi u zgjodh kryetar i Akademisë së Shkencave me 35 vota pro. Gjinushi komentoi edhe reagimet e akademikut Artan Fuga, ku ky i fundit deklaroi se nuk do të njihte këtë proces votimi, dhe ishte i vetmi nga akademikët që nuk mori pjesë në votim. Gjinushi tha se nuk do ta politizojnë Akademinë. Po kështu ai shigjetoi edhe Fugën, duke thënë se kushdo që baltos akademikun, do të thotë se nuk ka respekt edhe për kërkuesin shkencor.
“Mua nuk më ka bërë politika, më ka bërë matematika. Dhe gjatë kohës nuk jam përzier në punët e Akademisë, jam përfshirë dy herë para 10 vitesh. Të njëjtën gjë do të bëj edhe sot.
Do të ndalim ato tendenca. Ne s’jemi pajtuar, kjo tregon qartë se jemi në pozicionin e duhur. Ne nuk do të politizojmë Akademinë, do të akademizojmë politikën.
Janë qarqe intelektuale që çojnë deri në shkarkimin e qeverisë. Kushdo që baltos akademikun dhe ASH, do të thotë se s’ka respekt as për kërkuesin shkencor”, deklaroi Gjinushi.
