Akademiku Artan Fuga ishte ditën e sotme i ftuar në rubrikën “Kjo Javë”, në “News24”, prej ku theksoi se mbledhja e Akademisë së Shkencave është e paligjshme.
Ai iu drejtua edhe publikut, duke ia shpjeguar rëndësinë e madhe të funksionimit të Akademisë: “ Nëse Akademia e Shkencave nuk funksionon, atëherë rrezikohet dija dhe rrezikojmë të mbetemi një komb që dijen e ka nga shekulli i kaluar. Dua t’i drejtohem publikut sepse kujtojnë që Akademia e Shkencave është një forum ku mblidhen ca njerëz që e quajnë veten shkencëtarë që grinden me njëri-tjetrin dhe kjo nuk na hyn në punë. Po nuk është kështu sepse Akademia e Shkencave duhet t’i japi tonin prodhimit të dijes. Nëse ky motor nuk funksionon, i gjithë motori i dijes shqiptare nuk funksionon. Rrezikojmë të ngelemi një komb që dijen e ka nga shekulli i kaluar. Problemi është shumë serioz”.
