FSHF i “lutet” Luftëtarit: E lini të lirë këtë futbollist më 25 maj

Viti 2018 ka qenë fantastik për sulmuesin e Luftëtarit, Kristal Abazaj. Fillimisht shkëlqimi tek gjirokastritët dhe më pas blerja e katronit na Skënderbeu. Për të konfirmuar se ishte një lojtarë i klasit të lartë, Abazaj i shënon dopietë korçarëve në fitoren e Luftëtarit 2-0. Më pas vjen edhe grumbullimi në kombëtaren shqiptare ndaj Norvegjisë. Ai është një ndër lojtarët kryesorë që po e dërgon ekipin drejt Europa League.Suksesi i Abazajt nuk u mbyll me kaq, falë menaxhimit të mirë të ekipit të Skënderbeut, Kristali do ti bashkohet gjigantit belg të Anderlecht, me të cilët ka firmosur një kontratë 3-vjeçare. Tashmë i kanë mbetur edhe 2 ndeshje me Luftëtarin për të vulosur kualifikimin në Europë me gjirokastritët. Për t’i bërë një mbyllje sa më spekatkolare këtij sezoni Abazaj përpara se të nisë aventurën e tij me Anderlecht do të ketë mundësinë të debutojë edhe kombëtaren shqiptare.21-vjeçari nga Tropoja ka marrë ftesë nga trajneri i kuqezinjëve Panucci për 2 miqësoret e radhës ndaj Kosovës dhe Ukrainës që do të zhvillohen në Zvicër në fund të majit dhe në fillim të qershorit dhe këtë herë debutimi i Abazajt me Shqipërinë është thuajse i sigurt. Grumbullimi i Abazajt në kombëtaren shqiptare për 2 miqësoret e radhës është konfirmuar nga klubi i Luftëtarit në faqen zyrtare.