Një sasi e madhe droge është kapur sot në mbrëmje në pikën kufitare të Kapshticës. Sipas një njoftimi të plotë nga Policia mësohet se lënda narkotike është gjetur pas kontrolleve të imtësishme në një kamion.
Ende nuk dihet sasia e lëndës narkotike të sekuestruar, ndërkohë që vijon peshimi i saj, ndërsa policia nuk bën me dije të tjera detaje për arsye hetimore.
NJOFTIMI I PLOTË
Policia Kufitare në bashkëpunim me Autoritetet Doganore, mbi bazën e informacioneve të siguruara në rrugë operative, godasin një tentativë të trafikut ndërkombëtar të lëndëve narkotike.
Gjatë kontrollit të detajuar në vijë të dytë duke përdorur qen antidrogë dhe më pas edhe gjatë skanimit, Policia Kufitare dhe Dogana kanë konstatuar në dy kamione lëndë narkotike.
Po vijon kontrolli i imtësishëm i dy mjeteve. Për arsye hetimore, nuk bëjmë me dije të dhëna të tjera.
