Sërish Lumi Ishëm mbetet problematik dhe në këtë sezon dimëror për disa fshatra në zonën e Krujës. Frika e banorëve nga përmbytjet prej reshjeve të vjeshtës dhe të dimrit është e madhe për çdo vit, Përgjatë rrjedhës së lumit vijojnë të shfaqen mbetjet. Banorët tregojnë se lumi Ishëm mbart jo vetëm mbetjet e disa zonave të cilat përshkohen nga lumi.
Institucionet dhe banorët kanë zgjedhur rrugën më të shkurtër në hedhjen e mbeturinave në shtratin e lumit, por akoma më e rëndë është situata kur banorët tregojnë se kafshët e ngordhura nga sëmundje të ndryshme hidhen në lumin që përshkon jo vetëm qytetin e Fushë Krujës, por dhe disa fshatra të tjerë, të cilët përmbyten nga reshjet e shirave në këtë prag dimërore.
Kjo situatë e përvitshme shqetëson banorët e fshatrave të cilat përshkohen nga lumi Ishëm, shqetësim tregojnë dhe banorët në qytetin e Fushë Krujës, tashmë të rrezikuar nga të tilla fenomene përmbytjesh. Mungesa e ndërhyrjeve në pastrimin e shtatit të lumit, prania e mbetjeve ndër vite, dhe rrëshqitja e argjinaturave sjellin problematikën për fshatrat e Krujës ku përshkohet lumi Ishëm që rrjedh nga zonat e kryeqytetit, dhe mbetjet përfundojnë pranë zonës turistike të Gotullës.
